జన గళం పెడన డెస్క్: స్థానిక సంస్థల సాధారణ ఎన్నికల వేళ పెడన మున్సిపాలిటీలో జనసేన పార్టీ మరింత పటిష్టమవుతోంది. పెడన మున్సిపాలిటీ పరిధిలోని 3వ వార్డుకు చెందిన ప్రముఖ మహిళా నాయకురాలు శ్రీమతి కమ్మగంటి శారదా దేవి గారు శనివారం జనసేన పార్టీలో చేరారు.
జనసేన పార్టీ ఎన్నికల కోఆర్డినేషన్ సమన్వయకర్తలు శ్రీ వికృతి శ్రీనివాస్ బాబు (కొరియర్ శ్రీను) గారు, శ్రీ అంకెం లక్ష్మి శ్రీనివాస్ గారు, శ్రీ లింగం నాగేశ్వరరావు గార్ల ఆధ్వర్యంలో స్థానిక నాయకుల సమన్వయంతో ఈ చేరిక కార్యక్రమం నిర్వహించారు. ఈ సందర్భంగా నాయకులు ఆమెకు జనసేన పార్టీ కండువా కప్పి సాదరంగా పార్టీలోకి ఆహ్వానించారు. ఉప ముఖ్యమంత్రి, జనసేనాని శ్రీ పవన్ కళ్యాణ్ గారి సిద్ధాంతాలు, నిబద్ధతతో కూడిన పాలనకు ఆకర్షితులై వార్డుల వారీగా ప్రజలు, నాయకులు పెద్ద ఎత్తున జనసేన వైపు చూస్తున్నారని ఈ సందర్భంగా నేతలు పేర్కొన్నారు. శారదా దేవి గారి చేరికతో 3వ వార్డులో కూటమి మరింత బలోపేతమైందని, స్థానిక సంస్థల ఎన్నికల్లో విజయమే ధ్యేయంగా ముందుకు సాగుతామని నాయకులు స్పష్టం చేశారు.
